ஜோதிடம் கேளுங்கள்

நான் வெளிநாடு போக முயற்சி செய்து கொண்டிருக்கிறேன். எப்போது போக முடியும்? இந்த வருடத்திற்குள் போவதற்கு வாய்ப்புகள் உண்டா? – இ.நிரோஜன், சிலோ

அன்பு நிலாச்சாரல் வாசகர் நிரோஜன் அவர்களே !

24 வயதாகும் தங்களின் நட்சத்திரம் அனுஷம், ராசி விருச்சிகம், லக்னம் மீனம் ஆகும். தங்களின் ஜாதகப்படி குரு தங்களின் லக்னமான மீனத்திற்கு 12-ம் இடமான கும்பத்திற்கு டிசம்பர் 2009 முதல் மாறுகிறார். ஆங்கிலப் புத்தாண்டு துவங்கியவுடன் தாங்கள் வெளிநாடு செல்லும் வாய்ப்பு கை கூடி வரும். தங்கள் எண்ணம் கை கூட நிலாச்சாரலின் வாழ்த்துக்கள்.

எனது நிலத்தை எப்போது விற்க முடியும்? நான் எதிர்பார்க்கும் விலை கிடைக்குமா? எப்போது எனக்கு சொந்த வீடு அமையும்? புதியதாக வீடு கட்ட முடியுமா? அல்லது பழைய வீட்டை விலைக்கு வாங்க முடியுமா? – ஜி.பிரபாகரன், புதுக்கோட்டை.

அன்பு நிலாச்சாரல் வாசகர் பிரபாகரன் அவர்களே !

54 வயதாகும் தங்களின் நட்சத்திரம் மூலம் ராசி தனுசு, லக்னம் மீனம் ஆகும். லக்னத்திலிருந்து 5-ல் இருக்கும் குரு பகவான் வலுவான நிலையில் உள்ளார். தங்கள் ராசி மற்றும் லக்னாதிபதியான குரு பகவான், டிசம்பர் 2009 முதல் வளம் பல நல்கும் 11-ம் இடத்தில் அமரும் காலத்தில், தாங்கள் விரும்பிய விலைக்கு நிலத்தை விற்பதோடு, தாங்கள் 2010 இறுதிக்குள் புதிய வீடு வாங்கும் யோகம் கிட்டும். தாங்கள் விரைவில் வீடு கட்டுவதற்கு நிலாச்சாரல் தங்களை வாழ்த்துகிறது.

எனது கால் வலி எப்போது சரியாகும்? எனக்கு எப்போது சொந்த வீடு அமையும்? தற்போது நான் குடியிருக்கும் வீடு ராசியுள்ள வீடா? வீட்டில் ஏதேனும் தோஷம் உள்ளதா? – ஏ.உஷாராணி, கோயம்புத்தூர்.

அன்பு நிலாச்சாரல் வாசகி உஷாராணி அவர்களே!

45 வயதாகும் தங்களின் நட்சத்திரம் அவிட்டம் ராசி மகரம், லக்னம் தனுசு ஆகும். தங்களுக்கு கால் வலி 2010-ன் இறுதிக்குள் சரியாகி விடும். தங்களின் ஜாதகப்படி தாங்கள் குடியிருக்கும் வீட்டில் எந்த தோஷமும் இல்லை. இல்லத்தில் துளசிச் செடி வளர்த்து வழிபட்டு வாருங்கள். எந்த தோஷமும் அண்டாது. தங்கள் லக்னமான தனுசிலிருந்து 5-ம் இடமான மேஷத்திற்கு குரு செல்லும் காலமான மே 2010லிருந்து ஒரு வருட காலகட்டத்தில் தங்களுக்கு சொந்த வீடு அமையும். தங்களின் கால் வலி குணமாவதற்கும், சொந்த வீடு அமைவதற்கும் நிலாச்சாரலின் வாழ்த்துக்கள்.

வாசகர்கள் தாங்கள் கேட்க விரும்பும் கேள்வியை கீழே உள்ள படிவத்தில் முழுமையாக பூர்த்தி செய்து அனுப்பவும். பொதுவான கேள்விகளைத் தவிர்த்து குறிப்பான கேள்விகளாகக் கேட்டல் நலம்.

வாசகர்களின் கேள்விகளுக்கு பதில் அளிப்பவர் :

சித்தாந்த நன்மணி. திருமதி. காயத்ரி பாலசுப்ரமணியன், B.Sc.P.G. Dip.in Journalism
ஜோதிடர், எண். 8, இரண்டாவது குறுக்குத் தெரு,
மாரியம்மன் நகர், காராமணிக்குப்பம்,
புதுச்சேரி-605004.
தொலை பேசி: 0413-2202077.
செல்: 99432-22022, 98946-66048, 94875-62022.

Disclaimer: Astrological consultation in this section is provided by Mrs. Gayathri Balasubramanian for free. Nilacharal.com cannot take any responsibility for the authenticity and contents of the response.

“