ஜோதிடம் கேளுங்கள்

ரியல் எஸ்டேட் தொழிலில் ஈடுபடலாமா? பணவரவு இன்றி மிகவும் கஷ்டப்படுகிறேன். என்ன தொழில் செய்யலாம் என ஆலோசனை கூறுங்கள் – ராஜவடிவேலு, சென்னை

அன்பு நிலாச்சாரல் வாசகர் ராஜவடிவேலு அவர்களே!

42 வயதாகும் தங்களின் நட்சத்திரம் மிருகசீர்ஷம், ராசி மிதுனம், லக்னம் கடகம் ஆகும். தங்களின் ஜாதகத்தில் லக்னாதிபதியான சந்திரன் 12-ம் வீட்டில் உள்ளதால் தாங்கள் திங்கள் கிழமைதோறும் சந்திர பகவானை தரிசனம் செய்து , சிவனுக்கு பால் அபிஷேகம் செய்து வர, தங்களின் பொருளாதார சுணக்கம் தீரும். செவ்வாய் தங்கள் ஜாதகத்தில் தன் சொந்த வீடான மேஷத்தில் உள்ளதால், ரியல் எஸ்டேட் தொழிலில் ஈடுபட்டு வெற்றி பெறலாம். பரிகாரமாக செவ்வாய் கிழமைதோறும் முருகனை வழிபட்டு வரவும். தங்களின் பணக் கஷ்டம் தீர்ந்து வளமான வாழ்வு அமைய நிலாச் சாரல் தங்களை வாழ்த்துகிறது.

திருமணம் ஆகி ஐந்து வருடங்கள் ஆகியும் இன்னும் குழந்தை பாக்கியம் கிடைக்க வில்லை. எப்போது குழந்தை பிறக்கும்? – மேகலா, திருநெல்வேலி

அன்பு நிலாச்சாரல் வாசகி மேகலா அவர்களே!

34 வயதாகும் தங்களின் நட்சத்திரம் பூராடம், ராசி தனுசு, லக்னம் கன்னி ஆகும். தங்களின் ஜாதகப்படி, ராகு திசை குரு புக்தி நடை பெறுவதால், வெள்ளிக் கிழமைதோறும் நாக தெய்வத்தை வழிபட்டு வரவும். அத்துடன் தங்களின் கணவரின் நட்சத்திரமாகிய ரோகிணி வரும் நாளில், கண்ணனை வழிபட்டு வர, 2011 ஜுன் மாதம் இடம் மாறும் ராகு, குழந்தை பாக்யத்தை அளிப்பார். தங்களின் இல்லத்தில் விரைவில் மழலை தவழ, நிலாச்சாரலின் வாழ்த்துக்கள்!

விரிவான ஜாதக அலசலுக்கு நிலாச்சாரலின் கட்டண சேவையைப் பயன்படுத்தலாம். மேலும் விவரங்களுக்கு,
https://www.nilacharal.com/ocms/log/astro_pay.asp

வாசகர்களின் கேள்விகளுக்கு பதில் அளிப்பவர் :

ஜோதிடர் திருமதி. காயத்ரி பாலசுப்ரமணியன், B.Sc.P.G. Dip.in Journalism,D.H.A .சித்தாந்த நன்மணி, சித்தாந்த ரத்னம்
எண். 8, இரண்டாவது குறுக்குத் தெரு,
மாரியம்மன் நகர், காராமணிக்குப்பம்,
புதுச்சேரி-605004.
தொலை பேசி: 0413-2202077.
செல்: 99432-22022, 98946-66048, 94875-62022.

Disclaimer: Astrological consultation in this section is provided by Mrs. Gayathri Balasubramanian for free. Nilacharal.com cannot take any responsibility for the authenticity and contents of the response.

“