நடுத்தெரு கல்வீடு
கல்லொண்ணும்
ஒரு ஆள் கனம்
கோயிலொண்ணு
கட்டிடலாம்.
கிழக்குத்தெரு காரவீடு
சுண்ணாம்பக் குடிச்சு
நிக்கும் – அடிமட்டத்துக்கு
இடிச்சுப் போட்டா
அடுத்தாய்ச்சுக்கும்
வந்து தங்கலாம்.
மேலத்தெரு இலாடவீடு
பர்மா கட்டையில
நிமிந்து நிக்கும்
கால் கோடி கொடுத்தாலும்
கட்டை இன்னைக்குக்
கிடைக்காது.
ஊர் நடுவுல மெச்சுவீடு
தரை பூரா சிப்ஸ்கல்லு
தூண் ஒண்ணும்
சந்தன மரம் – அண்ணாந்து
பார்த்தா தலை சுத்தும்.
மழையும் பொத்துக்கிட்டு
ஒழுகும் தகரவீடு
மரக்கிளைய முழுசா
போர்த்தி மிச்ச மானம்
காக்கும் குடிசை வீடு.
தொலைச்ச விலாசத்தத்
தேடிவரும் பேரப்
பயலுக்குச் சேதி
சொல்ல காத்துக்கிடக்குதுக
இருக்கும் அரை உசிரக்
கையில பிடிச்சபடி.
