கருகிக்
குவிந்து கிடக்கும்
கணக்கற்ற சடலங்கள்
உன் சுற்றமும் நட்புமல்லவா
நொறுங்கி நீராகிக் கிடப்பது
உன் உடலும் உள்ளமுமல்லவா
O
ஆயினும்
என் அன்புச் சகோதரா
உன்னிடம்
எனக்கொரு கேள்வியுண்டு
உன்
நிதான நிமிடங்களின்
நிழல்மடி அமர்ந்து
எனக்கொரு பதிலைச் சொல்
வெற்றி என்பது என்ன சகோதரா
முட்டாள் கரமெடுத்து
மூர்க்க அரிவாள் வீச்சில்
மூடத் தலைகளை
முடிவற்று வெட்டிச் சாய்ப்பதா
இல்லை சகோதரா
இல்லை
O
தலைகள் எடுப்பதால்
உன் தலையும் ஓர் நாள்
குறி வைக்கப்படுகிறது
என்பதை நீ மறக்கலாமா
O
இன்று தப்பலாம் உன் தலை
அது என்றும் தப்புமா சகோதரா
இன்றும் கூட
உன் தலைக்குப் பதிலாய்
இங்கே உருண்டோ டிய உன்
இனத்தின் தலைகள்தாம்
எத்தனை எத்தனை
O
வாழ்வில்
அழிவு வரும்தான்
ஆனால் –
அழிவில் வாழ்வு வருமா
O
‘அன்புடன் இதயம்’ மின்னூலிலிருந்து
To buy this EBook, Please click here
“
